මැක්ලරන් 720S රථයේ විස්තරය.(Mclaren 720s in sinhala)

2018දී මැක්ලරන් සමාගම විසින් සුපර් කාර් ගණයට අයත් 720S මාදිලිය හදුන්වාදෙන ලදී. මෙම රථය අශ්වබල 710ක් නිපදවන ලීටර 4 ටර්බෝ 2කක් සහිත V8 එන්ජිමකින් සමන්විත වෙයි.

720S රථයේ Comfort , Sport සහ Track ලෙස ධාවන ආකාර 3ක් ඇති අතර මැක්ලරන් රථවල විශේෂත්වයක් ලෙස Power train සහ Handling සදහා වෙන වෙනම ධාවන ආකාරය ‍තෝරාගත හැකි වීමයි. මේ සදහා කරකැවි හැකි ස්විච දෙකක් රථයේ ප්‍රධාන තිරයට අසලින් පිහිටා තිබේ. 

නමුත් ධාවන ආකාරය ‍තෝරාගැනීමේ ස්විච කැරකූ පමණින් ධාවන ආකාරය වෙනස් නොවේ. ඒ සදහා අනෙකුත් මැක්ලරන් රථවල මෙනම ප්‍රථමයෙන්  Active ලෙස සටහන් බොත්තම එබිය යුතුවේ. මෙය ධාවකයාගේ අවශ්‍යතාව තහවුරු කරගැනීමක් ලෙස දැක්වේ.

මැක්ලරන් සමාගම විසින් මෙම රථයට චලනය විය හැකි ඩිජිටල් වේගමාපකයක් අන්තර්ගත කර තිබේ. රථය පණගැන්වීමේදී සිරස් වන අතර රථය විසන්ධි කිරීමේදී නැවත ආරම්භක අවස්ථාට පත්වේ. එමෙන්ම රථයේ ධාවන ආකාරය Track බවට පත් කල විට වේගමාපකය ආරම්භක අවස්ථාවට පත්වී ඊට ඉහලින් ඇති කුඩා තිරයක් මගින් රථයේ වේගය , ගමන් කරන ගියරය වැනි වැදගත්ම තොරතුරු පමණක් දක්වනු ලබයි.මෙම වේගමාපකයේ චලනය ඉහත සාධක මත ඉබේ සිදුවන නමුත් එය පාලනය කල හැකි බොත්ත්මක්ද රියදුරු අසුන අසල පිහිටා ඇත.

මෙම රථයේ දක්නට ලැබෙන්නේ සමනල ආකාරයේ( Butterfly style ) දොරවල් දෙකක් වේ.මෙම රථයේ වහලයේ රියදුරු සහ මගී අසුනට ඉහලින් වීදුරු දෙකක් සවිකිරීමට මැක්ලරන් සමාගම අවස්ථාව දී ඇති අතර ඒ සදහා රු 494,960 ( $ 2690 )ක් ගෙවීමට සිදුවේ.

මෙම රථයේ Active spoiler ක් ඇති අතර එමගින් රථය්  ගමන් කරන වේගය අනුව එය උස්පහත් වී වාතය මගින් රථය පොලොවට ඇත්කරන තෙරපුම අඩු වැඩිකරගනී. මෙම රථයට මැක්ලරන් සමාගම විසින් සමාන්‍ය දුම් කවුළු වෙනුවට ආකාරයේ දුම් කවුළු ‍තෝරා ගැනීමට නිකුත් කල අතර ඒ සදහා මැක්ලරන් සමාගම විසින් රු 1,061,680 ( $5700 )ක මුදලක් අයකරන ලදී.

මැක්ලරන් 720S රථයක ආරම්භක මිල මෙරට බදු රහිතව ආසන්න වශයෙන් රු 52,440,000 ($ 285 000 )ක් ලෙස සටහන් විය.මෙම රථය පාරිභෝගිකයාගේ අවශ්‍යතා අනුව සකස් කිරීමට මැක්ලරන් සමාගම් කටයුතු කල අතර එමනිසා ඊට අදාලව රථයේ මිල වේනස් වේ.

මෙම රථය පිළිබද ඔබගේ අදහස කුමක්ද? පහළින් comment කරන්න.

Facebook  https://www.facebook.com/profile.php?id=100069833567253

 

Instagram   https://www.instagram.com/supercarwisthare/

 

Twitter https://twitter.com/vonaUNEyTcmxfo7